THATA CIA BURURI

No tũhũ kũnguraria ,nĩciakĩ nyingĩ ciũria
Nĩndarega gũturia ,ona ngero ũngere kĩhoto no ngwĩtia
Nduĩkĩte thiia,mũtitũinĩ na matharaita nĩkwo uranyũmbũrithia;

Ndigũkwa ngoro, no ngwĩruta harĩ ũyu mũtoro
Ona ũnjohe na nyororo,no tũhũ,wa mbara no ngũhuha coro
Thayũ urĩ goro,reke njama njũkĩrie kuma toro.

Nĩndarega na gwoya gũikara,no tũhũ kũrenga yakwa njara
Rũrĩmĩ nĩrwo yakwa njora,kaĩ kinya rĩ ũgũtũra ũmirĩte mara?
ũmenyerete ndĩkirĩire na ciaku ciara ,maniũrũ makwa na matharaũ gũbĩra
Aa–! itina rĩngĩ na hiũ Cuma ndũkũhatira,kĩnyarirwo ni ndarega!

ũrĩaga , mũitũ ũyũ ndũrĩmaga
ũtunyanaga,ũthuri wa hũna ũgacihũkĩria rĩene iruga
ũraganaga ,kĩruru ũkoimbĩka rungu rwa ihiga;
nĩwe wĩyathi ũteendaga, thũ ti nyakeru nĩyo watugaga
thata cia bũrũri rĩu nĩcio ithamakaga
anake,karĩ naũrĩkũ mwĩhĩtaga?

Nĩndarega kũũtahĩka, ndiumagwo nyũmba kana rika
Nĩicokio ithaka,nĩndarega ngombo ya kamatimũ gũtwĩka
Wĩyathi ndikwenda wĩnairaka,Mwangi na Maina nĩmo maũthamaki marika
Kĩa maturanguru nĩ kĩamũre wa itwĩka!

No tũhũ manjirũngi kũnyarira,thakame yaitirwo nĩ Kĩmathi ndĩngĩriganĩra
Ngati na mĩgarũ wacio nĩmũritũ cira,njiarwa cia itungati itigetĩkĩra
Wathani wa thata gũtirĩrĩra,mũingĩ na bũrũri nĩ ũkoroku gũkunyanĩra
Ciĩnangoma gwĩciria nĩĩgũthira,haro nginya rũcoke mũkaro ndĩgathira.

No tũhũ kũhithĩra kĩama kĩimba kana yakwa mbĩrĩra,Maa gwakĩa no makarera.
Mumo nĩ ũheo kĩrĩra,muma ti wa iria ironga imira
Thahu ũrĩaga mĩgarũ ta njora,mũtwe nĩwaũ ũragaragara ta mũgara?

Ngwaria cararũkũ,naũrũme na tirũmena kana njukũ
Nĩitũhakĩte tĩri mũno wanjikũ,akinyi,waku ndĩraigwa arathĩnjirwo wa ira ũtukũ!

Mĩingĩ mĩciĩ bũrũrinĩ ĩna kĩrĩro,kuma Mombasa kinya garissa itũtwĩte makoro
Wĩyathi, kĩhoto na thayũ irĩ goro,nĩkũrũĩrĩra mũingĩ mĩrĩ ya mbeũ njĩthĩ ĩyũire nguraro
Nĩtũrũmanĩrei rũtanatema ruoro,waharo nĩwahuhwo coro!

Kamũingĩ koyaga ndĩrĩ,
Cia bũrũri thata na thakame nĩ irĩhe thirĩ!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s